Кашни халăхăнах ача-пăча сăмахлăхĕ пур. Ун шутне ачасем хăйсем шутласа тупнисем те, аслисем ятарласа хатĕрленисем те кĕреççĕ. Ачасем çав сăвă-юрра аслисенчен вĕренсе юлаççĕ, хăйсем те пĕчĕкреххисене вĕрентеççĕ. Нумай чухне çакăн пек сăмахлăх вăйăсенче, тĕрлĕ йăла-йĕрке уявĕсенче çирĕпленет. Калăпăр, вăйă пуçлаканнине палăртма ятарлă шут сăвви калаççĕ:

Пĕрре — пĕрел,

Иккĕ — йĕкел,

Виççĕ — виçел,

Тăваттă — тваткал,

Пиллĕк — пилеш,

Улттă — улма,

Çиччĕ — çилме,

Саккăр — салма,

Тăххăр — вуннă, эсĕ пул!