Теори материалӗсем

Паллă ячĕсен тĕп тата танлаштаруллă степенĕсем

Паллă ячĕсен танлаштаруллă степенĕ –рах (-рех), -тарах (-терех) аффикс хушăннипе пулать (кăвакрах, уларах, хăмăртарах, пĕчĕкрех, шĕвĕртерех). Ку аффикса йышăнман паллă ячĕсем тĕп степеньре пулаççĕ ( кăвак, ула, хăмăр, пĕчĕк, шĕвĕр). Тĕп степеньри паллă ячĕсем пĕр-пĕр пахалăха танлаштармасăр кăтартаççĕ, танлаштаруллă степеньрисем ку е вăл пахалăх нумайрах е сахалрах пулнине пĕлтереççĕ.