Пĕр йышши членсем пĕр-пĕринпе союзсемпе çыхăнса тăма пултараççĕ. Час-часах тĕл пулакан союзсем çаксем: та (те), е, анчах, çапах, тата.

      Та (те), тата, е союзсемпе çыхăнакан пĕр йышши членсене союзĕ пĕччен чухне запятойпа уйăрмаççĕ, иккĕ е темиçе чухне уйăраççĕ.

      Тĕслĕх:

1) Ял варринче шкул тата библиотека вырнаçнă.

2) Сăрт çинче те, сăрт айккинче те çуртсем лараççĕ.

3) Курăк вăрри çынсен ури çумне çыпçăнать те çĕнĕ вырăна куçать.

         Анчах, çапах союзсем умĕн яланах запятой лартаççĕ.

          Тĕслĕх:

  1) Пурăш вăтам пÿллĕ, анчах вăйлă чĕр чун.