Теори материалӗсем

Сăпайлăх сăмахĕсем

Пурнăçра çынпа çын куллен хутшăнать. Хутшăнакансем пĕр-пĕринпе мĕнле сăмахсем каласа, мĕнле сăн-питпе, мĕнле кăмăлпа хутшăннинче пĕри теприне юратнин, хисепленин, сума сунин шайне курма пулать. Ĕçлĕ хутшăнура çынсем хăйсен кăмăл-туйăмне уçăмлă палăртмасан та пултараççĕ. Кулленхи хутшăнура вара тарават та кăмăллă пулма тăрăшмалла. Тĕл пулакана савăнăçлă сăн-питпе кĕтсе илсе ăшпиллĕн ăсатасси кашни чăвашăн юнĕнче. Хăйĕн кăмăлĕ хуть мĕнле пулас пулсан та, хăнана хавас пулмалла. Ырă сунмалли  ăшă сăмахсем чăваш чĕлхинче питĕ нумай!