Сăмах сасăсенчен тăрать. Сасăсене çырура сас паллисемпе палăртаççĕ.

Чăваш чĕлхинче уçă тата хупă сасăсем пулаççĕ.

Чăваш алфавитĕнче 37 сас палли.

Ё, о, б, г, д, ж, з, ф, ц, щ, ъ сас паллисене вырăс чĕлхинчен çыру урлă кĕнĕ сăмахсенче кăна çыраççĕ.

А – э (е), ă –ĕ, ы – и, у – ÿ сас паллисем хытă тата çемçе уçă сасăсене палăртаççĕ.

В, й, л, м, н, р сас паллисем ялан янăравлă хупă сасăсене палăртаççĕ.

К, п, с, ç, т, ч, ш сас паллисем шавлă хупă сасăсене палăртаççĕ.

Е, ю, ё, я сас паллисем сăмах е сыпăк пуçламăшĕнче икĕ сасса палăртаççĕ.