Теори материалӗсем
Юрий Скворцов
Юрий Илларионович Скворцов - Чăваш Республикин Муркаш районĕнчи Хурăнкасси ялĕнче 1931 çулхи кăрлачăн 10-мĕшĕнче çуралнă. Вăтам шкулта, Чăваш патшалăх педагогика институтĕнче вĕреннĕ. Чăваш кĕнеке издательствин редакторĕнче ĕçленĕ (1956-1965). Пĕр вăхăт Чăвашрадио корреспонденчĕ, «Тăван Атăл» журналăн яваплă секретарĕ пулнă. Унтан каллех Чăваш кĕнеке издательствинче вăй хунă. Сăвăсем, калавсем, повеçсем çырнă. Пĕрремĕш сăвви 1953 çулта «Ялав» журналта пичетленнĕ. Унăн пултарулăхĕнче «Уках хурăнĕ», «Хĕрлĕ мăкăнь», «Çын ăшши» повеçсем уйрăмах паллă вырăн йышăнаççĕ. Чылай-чылай сăввине композиторсем кĕвве хывнă. Писатель ытти халăх произведенийĕсене чăвашла куçарас тĕлĕшпе те тимлесе ĕçленĕ. Ю.Скворцов сăвă та çырнă, анчах унăн пысăк таланчĕпе ăсталăхĕ ытларах прозăра палăрнă. Çыравçă хайлавĕсем хăйне евĕр стильпе, психологилле тарăнлăхпа тата лирикăлла туйăмпа, чĕлхе пуянлахĕпе тата сăмах сисĕмлехĕпе уйрăлса тараççĕ.
Ю.Скворцов 1964 çултанпа СССР писателĕсен союзĕн членĕ пулнă.
Паллăрах кĕнекисем: «Сурăм хĕрĕ» (1959), «Хĕрлĕ мăкăнь» (1962, 2003), «Уках хурăнĕ» (1963,1993), «Хĕвеле хирĕç» (1964), «Çын ăшши».
Вăл 1977 çулхи çурла уйăхĕн 11-мĕшĕнче вилнĕ.
Сӑн пуххисем
Юрий Скворцов
Видео
Ҫыпӑҫтарнӑ файлсем
