Пĕр-пĕр çын каланине ним улăштармасăр пĕлтерекен предложенисене тÿрĕ пуплев теççĕ. Тÿрĕ пуплевлĕ предложенисем яланах икĕ пайран тăраççĕ: тÿрĕ пуплеврен тата автор сăмахĕсенчен.

Тÿрĕ пуплев автор сăмахĕсен умĕнче, вĕçĕнче, варринче тăма пултарать. Тÿрĕ пуплевпе автор сăмахĕсене кала, ыйт, чĕн, те евĕр глаголсем çыхăнтараççĕ, вĕсем яланах автор сăмахĕсенче пулаççĕ.

Текстра тӳрĕ пуплев тӗрлӗ ҫӗрте пулма пултарать. Çавна май чарӑну паллисем лартас йӗрке те кашни хутӗнчех хӑйне евӗрлӗ пулать.

1. Тӳрĕ пуплев автор сӑмахĕсем умĕн тӑнă чухне тӳрӗ пуплев хыҫҫӑн е ыйту палли, е кӑшкӑру палли, е запятой, вĕсем хыҫҫӑн тире лартаҫҫӗ. Тӳрӗ пуплеве кавычкӑна хупаҫҫĕ, автор сӑмахӗсене пĕчӗкрен пуҫласа ҫыраҫҫӗ. Тӳрĕ пуплеве кавычкӑна хупмасан та юрать, кун пек чухне ун умĕн тире лартаҫҫӗ.