Теори материалӗсем
Сафуан Алибаев
Сафуан Афтахович Алибаев – пушкӑртсен паллӑ поэчĕ, ача-пӑча писателĕ, журналист. Пушкӑрт патшалӑх университетĕнче вĕреннĕ, тӑван Салават район хаçатĕнче, республикӑри хаçат-журналта ĕçленĕ. Чи пĕрремĕш кĕнеки 1968-мĕш çулта тухнӑ. Вӑл ача-пӑча валли çырнӑ сӑвӑсен пуххи пулнӑ. С.Алибаев вырӑс классикĕсен ( А.С.Пушкин, Расул Гамзатов…) произведенийĕсене пушкӑртла куçарнӑ, унӑн хӑйĕн хайлавĕсем те тĕрлĕ чĕлхепе: вырӑсла, казахла, украинла, туркменла, нимĕçле, монголла янӑраççĕ..Писатель драма жанрĕнче те вӑй хунӑ, унӑн пьесисем тӑрӑх республикӑри театрсем чылай спектакль лартнӑ. Поэтӑн нумай сӑввипе композиторсем юрӑсем хывнӑ. С.Алибаев - Пушкӑрт АССРĕн искусствӑсен тава тивĕçлĕ ĕçченĕ, унӑн ятне « Лучшие люди России» кĕнекене кĕртнĕ. Вӑлах Салават Юлаев орденне илме тивĕç пулнӑ.
Салават Юлаев - пушкӑрт халӑхĕн паттӑрĕ.
«Кайӑксенчен ырра эп вĕренетĕп» сӑвӑ.
«Кайӑксенчен ырра эп вĕренетĕп, вĕсем пекех ĕçе ир кӱлĕнетĕп» - çак сӑмахсем пире тӱрех акӑ мĕнле шухӑш патне илсе пыраççĕ: сӑвӑри сӑнар ырӑ тата ĕçчен çын. Мĕнле кайӑксене асӑнать-ха поэт? Чунĕ ун шӑпчӑк пек юрлать, чĕкеç пек çӱлти хваттерте пурӑнать. «Пĕччен чухне – салху …куккукла, туспа пулсан – хавас шур акӑшла ».
«Пур кайӑк йӑвине, çын кил-çуртне никам та ан тустартӑр ĕмĕрне…хĕрӱ ĕçре сӱнми телей туптатӑп »
Кайӑк, кил, чун, ĕç – акӑ мĕн хавхалантарать çынна
Вĕçен кайӑксем çинчен калакан каларӑшсем:
«…шӑпчӑк пек хитре юрлать», «чĕкеç чĕлхи», «акӑш пек ярӑнса утать», «куккук пек тӑван ачисене пӑрахса хӑварнӑ»…
Сӑн пуххисем
Сафуан Афтахович Алибаев
