Текст – шухăш енчен çыхăннă предложенисен пĕрлĕхĕ.

        Текстра малтанхи предложенире калани тепринче вăй илсе аталанать. Текстра предложенисем çирĕп йĕркепе вырнаçаççĕ. Çак йĕркене — пăссан ним ăнланма çук сăмах пуххи пулать.

 Текст ăнланма çук сăмах пуххи ан пултăр  тесен —  итлекен е вулакан çынна сăмах мĕн çинчен пынине хыпарласа текста пĕтĕмпе йышăнма хатĕрлес пулать. Ку  калавăн пуçламăшĕнче пулать. Калавăн тĕп пайĕнче темăн чи кирлĕ пулăмсене йĕркипе каласа параççĕ. Юлашкинчен – вĕçĕнче автор тапратнă тема çинчен мĕн каланине пĕтĕмлетсе хăварать.

Сăнлав манерĕпе йĕркеленĕ текст пуçламăшĕнче япалана пĕтĕмĕшле кăтартаççĕ. Тĕп пайĕнче – япала енĕсене йĕркипе çырса параççĕ. Вĕçĕнче – ку е вăл япалан сăнне пĕтĕмлетеççĕ, çирĕплетеççĕ.

Ăслав пуçламăшĕнче – пулăма асăнаççĕ. Тĕп пайĕнче – пулăмăн ку е вăл пахалăхне ĕнентереççĕ. Текст вĕçĕнче каллех пĕтĕмлетÿ пулать