Теори материалӗсем
Текст тата пуплев
Чĕлхе çынсене пĕр-пĕринпе хутшăнма кирлĕ. Хутшăнура пуплев йĕркеленет. Хутшăнура вара яланах сахалтан икĕ ен пур: калаканни (пĕлтерекенни) тата итлекенни. Çакна кура пуплеве икĕ ушкăна пайлама пулать.
1. Диалог. Калаçаканнипе итлекенни иккĕшĕ те пуплеве хутшăниине диалог теççĕ.
2. Монолог. Калаçаканни пуплеве пĕччен йĕркеленине монолог теççĕ.
Епле усă курни енчен пуплев каллех икĕ тĕрлĕ пулать: çыру тата калаçу.
Пуплев мĕнле йĕркеленнине кура ăна виçĕ ушкăна пайлаççĕ: калав, сăнлав тата ăслав.
Текст вăл - пуплев результачĕ. Текст тесе çыруллă пуплеве те калаççĕ. Текст пуплев единицисенчен - предложенисенчен тăрать. Предложенисем мĕнле çыхăннине кура текстăн тĕсĕсене уйăраççĕ: сыпăнчăклă текст, параллельлĕ текст, хутăш текст.
Текстри предложенисене çыхăнтаракан мелсем: союзсем, кăтарту сăмахĕсем (местоименисемпе наречисем), кÿртĕм сăмахсем , предложенисен тытăм пĕр пеклĕхĕ, юнашар предложенисенче пĕр сăмаха тепĕр хут калани.
Видео
Ҫыпӑҫтарнӑ файлсем
