Пайĕсене причасти аффиксĕсемпе çыхăнтаркан пăхăнуллă хутлă предложенисем

Чӗлхе

Литература

Культурӑпа истори

Пайĕсене причасти аффиксĕсемпе çыхăнтаркан пăхăнуллă хутлă предложенисем

Теори материалӗсем

Пайĕсене глаголăн причасти аффиксĕсемпе çыхăнтаракан пăхăнуллă хутлă предложенисем

Пайĕсем глаголăн причасти аффиксĕсемпе çыхăнакан пăхăнуллă хутлă предложение пайĕсене глаголăн причасти аффиксĕсемпе çыхăнтаракан пăхăнуллă хутлă предложени теççĕ.

Пăхăнуллă хутлă предложени пайĕсене çыхăнтаракан причасти аффиксĕсем:

1) иртнĕ причасти аффиксĕ -нă(-нĕ) (Аслати кĕмсĕртетнĕ вăхăтра эпĕ килте ларатăп.);

2) хальхи причасти аффиксĕ -акан(-екен) (Аппа юрлакан юрă питĕ илемлĕ.);

3) пулас причасти аффиксĕ -ас(-ес) (Юр çăвас вăхăт çывхарать.);

4) пултаракан причасти аффиксĕ -и (Çĕр çĕклейми салама йышăнсамăр аппăртан.).

-Нă(-нĕ), -акан(-екен), -ас(-ес) аффикссемпе çыхăнакан пăхăнуллă предложенисем, тĕпрен илсен, япала паллине пĕлтереççĕ, определени ушкăнне кĕреççĕ.

Глаголăн пултаракан причасти аффиксĕпе çыхăнакан пăхăнуллă предложени япалан, ĕçĕн, пĕр-пĕр паллăн паллине е предикацилĕхе пĕлтерет.