Теори материалӗсем

Хыç сăмахлă пăхăнуллă хутлă предложенисем

Пайĕсем хыç сăмахпа çыхăнакан пăхăнуллă хутлă предложение хыç сăмахлă пăхăнуллă хутлă теççĕ.

Пăхăнуллă хутлă предложени пайĕсене çыхăнтаракан хыç сăмахсем йышлă: хирĕç, çине, пирки, пек, евĕр, май, чух (чухне), умĕн, хыççăн, çĕре, тĕле, çинче (çинчен), вара, кура, пула, чухлĕ (чул), таран, çĕртен, тăркач. Хыç сăмахсем пăхăнуллă предложенин сказуемăйĕ хыççăн тăраççĕ.

Пăхăнуллă хутлă предложени пайĕсене хыç сăмахсем тĕрлĕ пĕлтерĕшлĕ пулаççĕ:

1) объект пĕлтерĕшлĕ (Пурте çĕнтерÿ çитни çинчен калаçаççĕ.);

2) пирке пĕлтерĕшлĕ (Çумăр çунă пирки çырлана каяймарăмăр.);

3) вăхăт пĕлтерĕшлĕ (Çумăр çăвас умĕн чĕкеçсем çĕр çумĕпе вĕçеççĕ.);

4) виçе пĕлтерĕшлĕ (Вăй çитнĕ таран пулăшма тăрăшăп сана.);

5) хирĕçлев пĕлтерĕшлĕ (Компьютер пур çинче алăпа çыратăн.);

6) япалан е ĕçĕн палли, танлаштару пĕлтерĕшлĕ (Чĕкеç чĕвĕлтетнĕ евĕр калаçать ман йăмăк.).

Хутлă пĕрлĕхĕн пайĕсем хыç сăмахпа çыхăннă чухне пăхăнуллă предложенин сказуемăйĕ е ят сăмахран, е причастирен пулать. Пăхăнуллă предложенийĕ е тĕп предложени умĕн, е ун варрине вырнаçать, сайра хутра вĕçне те тухса тăрать: