Союзсемпе çыхăнакан пĕр йышши членсем

Теори материалӗсем

Союзсемпе çыхăнакан пĕр йышши членсем

Пĕр йышши членсем ытларах сыпăнуллă союзсемпе çыхăнаççĕ. Вĕсем виçĕ ушкăна уйрăлаççĕ: сыпăнтараканнисем, хирĕçлекеннисем, уйăраканнисем.

 

Сыпăнтаракан союзсем: та (те), тата, ни-ни.  

Тĕслĕхсем: Пирĕн ял пысăк та илемлĕ. Унта шкул тата лавкка пур. Ял варринче ни кÿлĕ, ни пĕве çук.

 

Хирĕçлекен союзсем: анчах, çапах.

Тĕслĕхсем: Паян уяр, анчах сивĕ.  Ăшă тăхăнтăм, çапах шăнтăм.

 

Уйăракан союзсем: е, е-е, те-те, пĕр-пĕр, пĕрре-тепре.

Тĕслĕхсем: Каникулта Шупашкара е Мускава каятăп. Мускава е пиччепе, е аппапа каятăп. Экзамен те биологипе, те историпе тытас? Шăллăм пĕр кĕрет, пĕр тухать. Çумăр пĕрре çăвать, тепре çумасть.

 

 

Союзсăр пуçне пĕр йышши членсем пĕрлелĕх падеж аффиксĕпе те çыхăнма пултараççĕ. Ку аффикс е пĕр йышши членсене иккĕшне çыхăнтарать, е ярăмри пĕр йышши членсене мăшăрăн-мăшăрăн пĕрлештерет: Паян хуларан куккапа инке килчĕç. Вĕсене хăналама анне чăкăтпа шăрттан, хуплупа пÿремеч хатĕрлерĕ.

Ҫӗнӗ материал
2021.11.07 10:38
Видео хушӑнчӗ: Василий Кервен, "Поэзи чĕлхи"
2021.11.07 10:37
2021.11.07 10:37
Видео хушӑнчӗ: Анатолий Хмыт: Афганистан çинчен
2021.11.07 10:34
Видео хушӑнчӗ: "Вилĕме утални" хайлав пирки
2021.11.04 14:24
2021.03.14 20:05
Видео хушӑнчӗ: Юра асламăшĕ
2021.02.27 16:02
2021.02.27 16:01
Ҫӗнӗ страница: Ĕмĕт нклоненийĕ
2021.01.23 22:33
2021.01.23 20:58
Ҫӗнӗ страница: Сăпайлăх сăмахĕсем