Теори материалӗсем

6-мĕш тата 7-мĕш классенче вĕреннине аса илмелли ыйтусемпе ĕçсем

Ку таранччен эпир чĕлхери сасăсем çинчен вĕрентĕмĕр, çав сасăсенчен сăмахсем йĕркеленнине куртăмăр. Сăмахсем тĕрлĕ пĕлтерĕшле пулнине сăнарăмăр, вĕсене тĕрлĕ пуплев пайĕсем çине уйăртăмăр. Хăш-пĕр сăмахсем вĕçленнине, теприсем сăпатланма пултарнине палăртрăмăр.

Чĕлхери мĕнпур сăмах йышне лексика теççĕ.

Морфологи – чĕлхе наукин пуплев пайĕсем, грамматика пĕлтерешĕ, грамматика формисемпе категорийĕсем  çинчен вĕрентекен пайĕ.

Чĕлхе наукин пуплев епле йĕркеленни çинчен вĕрентекен пайне синтаксис теççĕ.