Сăмах уйрăм ăнлава (япалана, хисепе, ĕçе т. ыт те) палăртать, сăмах майлашăвĕ çав ăнлава тĕрĕсрех, конкретлăрах кăтартать. Сăмах майлашăвĕ япалапа унăн пĕр-пĕр паллине, ĕçпе унăн паллине кăтартать. Сăмах майлашăвĕ хăй пĕлтерĕшлĕ сăмахсенчен çеç йĕркеленет. Хăй пĕлтерĕшлĕ сăмахпа пулăшу сăмахĕ пĕрлешни сăмах майлашăвĕ тумасть: анне валли, уяв чух.

Сăмах майлашăвĕ пĕлтерĕшĕ енчен пĕр-пĕринпе çыхăнма пултаракан сăмахсенчен çеç йĕркеленет: канлĕ çывăр, илемлĕ юрă, лайăх вĕрен.

Сăмах майлашăвĕсем предложени пайĕсем шутланаççĕ. Анчах та сăмах майлашăвĕсене предложенисĕр те тĕпчеме пулать, мĕншĕн тесен сăмахсем пĕр-пĕринпе çыхăнасси, тĕпрен илсен вĕсен пĕлтерĕшĕнчен килет.

Предложенирен уйăрса пăхнă чухне сăмах майлашăвĕсене, сăмах пекех, пуçламăш формăра илеççĕ: утмăла çит, вăрăм ĕмĕр.

ĔÇ: Видеосăвва тимлĕн итлĕр, пĕр анлă сăмах майлашăвне çырса илĕр.