24§. Предложенипе сăмах майлашăвĕ – пĕлтерĕшлĕ сыпăксем

Теори материалӗсем

Предложенипе сăмах майлашăвĕ – пĕлтерĕшлĕ сыпăксем

Предложенипе сăмах майлашăвĕ – пуплев вăхăтĕнче йĕркеленеççě.

Уйрăм шухăша палăртакан пĕр сăмаха е темиçе сăмах пĕрлешĕвне предложени теççĕ. Вăл хутшăнура тĕп вырăн йышăнать. Çавăнпа предложение пуплевĕн тĕп единици теме килĕшнĕ.

Хăй пĕлтерĕшлĕ виçĕ е ытларах сăмахран тăракан предложени  сăмах майлашăвĕсěр пулмасть. Унта та сăмахсем шухăш енчен килĕшсе çыхăнаççĕ, пĕр сăмахĕ теприне пăхăнать.

Предложенипе сăмах майлашăвĕн пĕрешкеллĕхěсемпе уйрăмлăхěсем çаксем:

предложени – уйрăм шухăша палăртать; вĕçленÿллĕ интонациллĕ пулать; темиçе сăмахран кăна мар, пĕр сăмахран та тăрать;

сăмах майлашăвĕ – ăнлава палăртать; уйрăм сăмах вырăнне çÿреме пултарать; пĕр сăмахлă пулмасть, яланах икĕ пая пайланать.

Вырăссен приложениллĕ пĕрлĕхěсене чăвашла куçарнă чухне сăмах майлашăвěсем тумалла, дефиссăр çырмалла: космонавт летчик, биолог учитель, хирург врач, улăп йывăç.

Предложени тата сăмах майлашăвĕ

Предложенипе сăмах майлашăвĕ – пуплев вăхăтĕнче йĕркеленекен пĕрлĕхсем.

Уйрăм шухăша палăртакан пĕр сăмаха е темиçе сăмах пĕрлешĕвне предложени теççĕ. Хутшăнура тĕп вырăн йышăннăран предложение пуплевĕн тĕп единици теме килĕшнĕ.

Хăй пĕлтерĕшлĕ виçĕ е ытларах сăмахран тăракан предложенире ялан тенĕ пек сăмах майлашăвĕсем пулаççĕ. Вĕсенче те сăмахсем шухăш енчен килĕшсе çыхăнаççĕ, пĕр сăмахĕ теприне пăхăнать.

Предложенипе сăмах майлашăвĕ хушшинчи пĕрешкеллĕхсемпе уйрăмлăхсем:

предложени – уйрăм шухăша палăртать; вĕçленÿллĕ интонациллĕ пулать; темиçе сăмахлă кăна мар, пĕр сăмахлă та пулать (Хĕлле. Ял çыннин ĕçрен пушаннă);

сăмах майлашăвĕ – ăнлава палăртать; уйрăм сăмах вырăнне çÿреме пултарать; пĕр сăмахлă пулмасть, яланах икĕ пайран тăрать (ял çынни, сивĕ хĕл, шăна кăмпи).

Приложениллĕ пĕрлĕхсене чăваш чĕлхинче дефиссăр çырмалла, мĕншĕн тесен ăнлантаракан сăмахсем тĕп сăмах умĕн юнашар тăрса çыхăнаççĕ: космонавт летчик, биолог учитель.


ĔÇ: Видеосăвва тимлĕ итлĕр, сăмах майлашăвĕсене çырса илĕр.

 

Видео

Хушма каҫӑсем

Ҫӗнӗ материал
2024.03.10 18:23
Ҫӗнӗ каҫӑпа паллашӑр: "Шурçамка" çинчен
2024.03.10 18:16
Ҫӗнӗ страница: Юхма Мишши
2024.03.10 18:00
Ҫӗнӗ хыпар вырнаҫтартӑмӑр: "Шкулта" журналăн çĕнĕ номерĕ
2024.02.18 18:22
2024.02.18 18:19
Ҫӗнӗ хыпар вырнаҫтартӑмӑр:
2024.01.24 22:08
Пирӗн порталта ҫӗнӗ файл: Сăмах майлашăвĕ, тест (docx)
2024.01.14 12:15
Ҫӗнӗ каҫӑпа паллашӑр: Урокăн план-конспекчĕ
2024.01.14 12:02
Видео хушӑнчӗ: Судра
2024.01.14 10:57
Ҫӗнӗ каҫӑпа паллашӑр: Спиридон Михайлов-Янтуш çинчен
2024.01.09 21:47
2024.01.09 21:04
Ҫӗнӗ каҫӑпа паллашӑр: Михаил Акимов çинчен
2024.01.08 19:48
2024.01.08 19:42