Теори материалӗсем

Татăксене морфологи тĕлĕшĕнчен тишкерни

Тĕслĕх:  Ара, ку тĕрĕсех пулсан тĕленсе хытсах каймалла-иç!

Ара – татăк, каланă шухăша çирĕплетет, пĕтĕм предложенипе çыхăннă, ытти сăмахсенчен  запятой лартса уйăрмалла.

-ех – татăк, сăмаха вăйлатса каланине пĕлтерет, тĕрĕс сăмахпа çыхăннă, хăй умĕнчи сăмахпа пĕрле çырмалла.

-ах – татăк, сăмаха вăйлатса каланине пĕлтерет, хытса сăмахпа çыхăннă, хăй умĕнчи сăмахпа пĕрле çырмалла.

-иç – татăк, предложенин шухаш тытăмне уçăмлатать, пĕтĕм предложенипе çыхăннă, сказуемăй пулакан сăмахран (хытса каймалла) дефиспа уйăрнă.

Асăрхăр! Хăш-пĕр татăксем (пулсан, çук, тем, та(те), халь) ытти пуплев пайĕсемпе омоним пулаççĕ.