Теори материалӗсем
Хыç сăмахсем
Тепĕр чухне сăмахсене çыхантарма вĕçленекен сăмах хыçне пулăшу сăмахĕ хушма тивет: Эпир урам тăрăх кайрăмăр. Ку предложенире урам япала ятне кай глаголпа тăрах пулăшу сăмахĕ çыхантарать. Ку предложенире тăрăх сăмах хыç сăмах пулать.
Хыç сăмахсем чăвах чĕлхинче самаях йышлă: пек, евĕр, валли, тăрăх, пирки, пула т.ыт.те.
Вĕçленекен сăмаха предложенири тепĕр сăмахпа çыхăнтарма пулăшакан пуплев пайне хыç сăмах теççĕ.
Хăш-пĕр хыç сăмахсем падеж аффиксĕсем пекех паллă ячĕсемпе причастисем çумне те хушăнма пултараççĕ: Çĕнĕ пек туйăнать. Пултарнă таран ĕçле.
Пек, пирки, таран, тери хыç сăмахсемлĕ пĕрлĕхсем хăйсем те хăш-пĕр чухне падеж аффиксĕсене те, сайра хутра -и, -скер палăрту аффиксĕсене те йышăнаççĕ. -И, -скер аффикслă пĕрлĕхсенче хыç сăмах çыхăну функцине çухатать. -Чĕ(-ччĕ) аффикс сăмах ушкăнне иртнĕ вăхăт сĕмĕ парать.