Теори материалӗсем

Пулăшу пĕлтерĕшлĕ пуплев пайĕсемпе паллаштарни

Хыç сăмахсем, татăксем, союзсем пулăшу пĕлтерĕшлĕ пуплев пайĕсем шутне кĕреççĕ. Вĕсем япаласене те, вĕсен паллисене те, ĕçе те кăтартмаççĕ, морфологи тĕлĕшĕнчен улшăнмаççĕ, хăйсем тĕллĕн предложени членĕ те пулмаççĕ.

Хăй пĕлтерешлĕ пуплев пайĕсемпе танлаштарсан пулăшу пĕлтерĕшлĕ пуплев пайĕсене кĕрекен сăмахсен йышĕ пĕчĕк.

Пулăшу сăмахĕсен пĕлтерĕшлĕ пайĕсем çук, сăмах тымарĕ те тĕпĕ те пĕр килеççĕ. Ку пуплев пайĕсем тулли (хăй) пĕлтерĕшлĕ сăмахсемпе сăмахсен ушкăнĕсене пĕр-пĕринпе çыхăнма пулăшаççĕ е вĕсем çумне мĕнле те пулин пĕлтерĕш сĕмĕ хушаççĕ.