Сăпатлă формăри глагол: глагол тĕпĕ, пулăвĕ, пурлă е çуклă форма, сăпатлă: наклонени, вăхăт, сăпат, хисеп.

Тĕслĕх: Ĕçлерĕмĕр  – глагол, тĕпĕ – ĕçле, иккĕмĕшле глагол, ĕç япала ячĕ çумне -ле аффикс хушăнса пулнă, пурлă формăра, сăпатлă формăра, кăтарту наклоненийĕнче, пĕр хут пулса иртнĕ вăхăтра, 1-мĕш сăпатра, нумайлă хисепре.

Сăпатсăр формăри глагол: глагол тĕпĕ, пулăвĕ, пурлă е çуклă форма, сăпатсăр: инфинитив (аффиксĕ), причасти (вăхăчĕ, палăрту форми, хисепĕ, падежĕ), деепричасти(аффиксĕ, пĕлтерĕшĕ)

Тĕслĕхсем.

Инфинтитив:

Курмашкăн – глагол, тĕпĕ – кур, пĕрремĕшле глагол, пурлă формăра, сăпатсăр форма, инфинитив,  - машкăн аффикс хушăннипе пулнă.

Причасти:

Тупнăран –  глагол, тĕпĕ – туп, пĕрремĕшле глагол, пурлă формăра, сăпатсăр форма, причасти, хальхи вăхăтра, туху падежĕнче.

Деепричасти:

Сухаламасан – глагол, тĕпĕ – сухала, суха япала ячĕ çумне -ла аффикс хушăнса пулнă иккĕмĕшле глагол, çуклă формăра, сăпатсăр форма, услови пĕлтерĕшлĕ -сан аффикслă деепричасти.