Теори материалӗсем
Деепричасти
Тĕп ĕçпе çыхăннă хушăмлă ĕçе пĕлтерекен глаголăн улшăнман формине деепричасти теççĕ. Унăн ыйтăвĕсем: мĕнле? хăçан? хăçанччен? мĕншĕн? т.ыт те.
Деепричасти пурлă тата çуклă формăра пулать
Предложенире деепричасти яланах глаголăн сăпатлă формипе çыханать, обстоятельство пулать: Çăлтăрсем йăвашшăн кула-кула пăхаççĕ.
Кирек мĕнле глагол формине пăхăнакан сăмах пекех деепричастие пăхăнса тăракан япала ячĕсем пĕр-пĕр падеж аффиксне йышăнаççĕ: хулара (ăçта?) ĕçлерĕм – хулара (ăçта?) ĕçлесе килтĕм.
Хăш-пĕр деепричасти формисем танлаштаруллă степень аффиксне йышăнма пултараççĕ. Ун пек формăсем шутне -са(-се), -а(-е) аффикслă деепричастисем кĕреççĕ: каçăрăлсарах çÿрет, куларах пăхать.
-Са(-се), -сан(-сен), -сассăн(-сессĕн) аффикслă деепричастисем çуклă формăра пулаççĕ.