5§. Причастисен вĕçленĕвĕ

Теори материалӗсем

Причасти вĕçленĕвĕ

Палăрту форминчи причастисем хисеппе падеж тăрăх улшăнаççĕ. Палăрту аффиксне йышăнман чухне иртнĕ, пулас причастисене нумайлă хисепре каламаççĕ, вĕçленнĕ чухне те хăш-пĕр падежсенче çеç пулма пултараççĕ.

Иртнĕ причасти час-часах туху тата пирке падежĕнче пулать. Тĕслĕх: Тусем-сăртсем хуп-хура юрĕ кайса пĕтнĕрен (туху п.). Ирина çав кĕнекене вуланăшăн (пирке п.)  хăйне телейлĕ тесе шутлать.

Туху падеж форми хăй пĕрлелĕх падежĕн аффиксне йышăнма пултарать: вуланăран-па. Чĕлхе ăслăлăхĕнче ăна иртнĕ причастин тăсăмлăх форми теççĕ.

Пулас причасти ытларах пару, туху, пĕрлелĕх, пирке падежĕсенче пулать. Тĕслĕх: Çапăçу хăçан пуçланасса (пару п.) салтаксем никам каламасăрах сисеççĕ. Шыв курăкĕ пусасран (туху п.) тесе ашшĕ валака çулсеренех люцерна вăрри акатчĕ. Кăнтăрла çитеспе (пĕрл п.)  ачасем кÿлле шыва кĕме кайрĕç. Йытă Верук патне никама та çывăха ярасшăн (пирке п.)  пулмарĕ.

Пулас причасти -ла(-ле) аффикс йышăнма пултарать: шăтарасла, пĕлесле. -Ла(-ле) аффикслă формăна евĕрлĕх форми теççĕ. Унăн грамматика синонимĕ пулас причасти çумне пек хыç сăмах хушăннипе пулать: шăтарас пек, пĕлес пек.

Пулмалли причасти нихăш падежра та пулмасть.

Сӑн пуххисем

Причасти вĕçленĕвĕ

Причасти вĕçленĕвĕ
Ҫӗнӗ материал
2021.11.07 10:38
Видео хушӑнчӗ: Василий Кервен, "Поэзи чĕлхи"
2021.11.07 10:37
2021.11.07 10:37
Видео хушӑнчӗ: Анатолий Хмыт: Афганистан çинчен
2021.11.07 10:34
Видео хушӑнчӗ: "Вилĕме утални" хайлав пирки
2021.11.04 14:24
2021.03.14 20:05
Видео хушӑнчӗ: Юра асламăшĕ
2021.02.27 16:02
2021.02.27 16:01
Ҫӗнӗ страница: Ĕмĕт нклоненийĕ
2021.01.23 22:33
2021.01.23 20:58
Ҫӗнӗ страница: Сăпайлăх сăмахĕсем