Инфинитив – сăпат, хисеп, вăхăт тата наклонени тăрăх улшăнман глагол форми. Вăл глагол тĕпĕ çумне -ма(-ме), -машкăн (-мешкĕн) аффикс хушăннипе пулать.

-Машкăн(-мешкĕн) аффикслă форма фольклорпа поэзире тăтăшрах тĕл пулать.

Инфинитив предложенире ытларах глаголпа çыхăнать (ташă ташлама çÿре, вăйă выляма тух), çавăн пекех паллă ячĕсене те ăнлантарма пултарать (утма йывăр, калаçма аван).