Мĕнлелĕх паллă ячĕсем пекех, мĕнлелĕх наречийĕсем те танлаштаруллă тата вăйлă формăра пулаççĕ.

Наречисен танлаштаруллă форми -рах(-рех), -тарах(-терех) аффикспа пулать: апларах, хăвăртрах, хуллентерех.

Чăваш чĕлхинче мĕнлелĕх наречийĕсем çеç мар, хăш-пĕр вырăн (леререх, кунтарах),  вăхăт (тинтерех, паçăртарах) тата виçе (ытларах, тÿремрех) наречийĕсем те танлаштаруллă форма аффиксне йышăнма пултараççĕ.

Наречисен вăйлă форми мĕнлелĕх наречийĕсен пуçламăш формине икĕ хут каланипе пулать: харăс-харăс, аран-аран, хуллен-хуллен.