Чăваш чĕлхинче паллă местоименисем йышлă мар. Вĕсен шутне пур, пурте, пĕтĕм, ытти, кашни, харпăр, урăх, тепĕр йышши сăмахсем кĕреççĕ.

Паллă местоименисем калакан çыншăн мĕн те пулин (е япала, е унăн палли, е япалан хисепĕ) паллă пулнине пĕлтереççĕ.

Пур местоимени сăпат аффиксне йышăнма пултарать, ун пек чухне япала ячĕ пекех вĕçленет: пурсăмăр (1 с.), пурсăр (2 с.), пурĕ (3 с.).

Кашни местоимени те япала ячĕ пĕлтерĕшлĕ чухне вĕçленет.

Тепĕр, урăх местоименисем паллă ячĕ евĕрлĕ, çавăнпа -и аффикс йышăнма пултараççĕ (тепри, урăххи).

Паллă местоименисем предложенире тĕп член та, кĕçĕн член та пулаççĕ.