Çуклăх местоименийĕсем ыйту местоименийĕсем умне ни- татăк хушăннипе пулаççĕ: никам, нимĕн (ним), нимĕнле (нимле), ниепле, нихăш.

Çуклăх местоименийĕсен пĕлтерĕшĕ – мĕн те пулин çуккине палăртасси. Çавăнпа та çуклăх местоимениллĕ предложенисен сказуемăйĕ яланах çуклă формăри глаголтан е çук паллă ятĕнчен пулать: Килте никам та çук.

Никам, нимĕн (ним),  нихăш местоименисем вĕçленеççĕ, анчах та нумайлă хисепре тата евĕрлĕх категорийĕнче пулмаççĕ.