Ку, çак(ă), çав(ă), леш, хайхи сăмахсем  кăтарту местоименийĕсем шутне кĕреççĕ. Вĕсене пуплевре ят сăмахсем вырăнне калаççĕ.

Пĕлтерĕшĕ тăрăх кăтарту местоименийĕсене икĕ ушкăна уйăрма пулать: 1) ку, çак(ă) местоименисем япала калаканни умĕнче пулнине, калаканшăн çывăххине пĕлтереççĕ: ку арман, çак йывăç; 2) леш, çав(ă) местоименисем япала аякрине, калаканшăн çывăхра маррине пĕлтереççĕ: леш урам, çав вăрман. Çапла вара, çак икĕ ушкăна кĕрекен сăмахсем антонимлă пулаççĕ: çак – çав, ку – леш, вăл.

-Скер аффикс йышăннă местоимени предложенире подлежащи пулать.

Кăтарту местоименийĕсем туллин улшăнаканнисем шутне кĕреççĕ. Вĕсен евĕрлев форми çапла йĕркеленет: кунашкал, çакнашкал.

Леш местоимени 3-мĕш сăпат аффиксне йышăнсан çеç вĕçленме пултарать.

Çак(ă), çав(ă), леш(ĕ) местоименисене паллă ячĕ вырăнне çÿренĕ чухне хальхи чĕлхере сăмах вĕçĕнчи ă, ĕ сасăсемсĕр калаççĕ: çак ял, çав вăхăт, леш уй.