Таврăну местоименийĕсен шутне хам, ху (хăв), хăй сăмахсем кĕреççĕ. Ку местоименисем нумайлă хисепре те пулаççĕ: хамăр, хăвăр, хăйсем.

Таврăну местоименийĕсем сăпат, хисеп тăрăх улшăнаççĕ тата  вĕçленеççĕ.

 Ху (хăв), хăй местоименисене вĕçленĕ чухне хăш-пĕр падежсем икĕ вариантлă пулаççĕ. Пĕрлелĕх, çуклăх, пирке падежĕсенче ху (хăв), хăй местоименисен икĕ варианчĕпе те усă курма юрать: хупа е хăвăнпа, хусăр е хăвăнсăр, хушăн е хăвăншăн, хăйпе е хăйĕнпе, хăйсĕр е хăйĕнсĕр, хăйшĕн е хăйĕншĕн.

Таврăну местоименийĕсене час-часах местоимени е япала ячĕ хыççăн хушса калаççĕ: эпĕ хам, эсĕ ху, вăл хăй, Петров хăй.