Япала ятне япала ячĕсемпе тата глаголсемпе çыхăнтаракан  -лă(-лĕ), -ла(-ле), -алла(-елле), -хи (-ри,-ти,-чи), -чен(-ччен), -серен, -лăх (-лĕх), -ăн(-ĕн) аффикссем падеж системине кĕмен аффикссем шутне кĕреççĕ. Çавăнпа та вĕсене çыхăну аффиксĕсем тесе пăхмалла. Аффикссем хушăнакан пуплев пайне япала ячĕ темелле. -Лăх (-лĕх) аффикс икĕ тĕрлĕ пулать: сăмах тăваканни, çыхăну тăваканни: Ачалăх — чи лайăх вăхăт. Аттесем вăрмантан вителĕх йывăç кăларчĕç.