"Кашни ĕçĕн йĕрки пур", — теççĕ ваттисем. "Ĕçчен çынна ĕç савать", — хушса хураççĕ теприсем. "Ĕç çынна çын тăвать", — çирĕплетнĕ вара авалтанпах.

 Шутламасăр, йĕркине пĕлмесĕр тунă ĕçрен ним усси те çук. Инкек те асап, куççуль те кулăш кăна. Çавăнпа та кашни ĕçе шутласа, йĕркине пĕлсе тăвас пулать. Çак шухăша çирĕплетсе парать те  Владимир Степановăн "Экслюзивлă сăвăм" калавĕ.

Çыравçа кулăшла ĕç урлă тăрăшса вĕренмесĕр, вăй хумасăр нимĕнле ĕç те пулманни çинчен калать. Ĕçрен пăрăнман, ăна вĕçне çитиччен пурнăçлани чун çирĕплĕхне, Çерушпа Ванюк характерне туптать. Кĕтÿ кĕнĕ хыççăнхи ĕç-пулăм йĕрки кĕске вăхăта сăнлать пулин те тĕп сăнарсен ĕç-хĕлне, кăмăлне, шухăшне туллин сăнласа парать.

Хайлаври хĕрÿ самант вара, сĕт витрине ĕне урине чиксе кăларни, ăшă сĕте сысна çурине пани ачасен тавçăрулăхĕпе перектлĕхне, пуç усманлăхне кăтартать.