Мĕнле ача Çĕнĕ çул уявне кăмăлламасть-ха? Паллах, пурте юратаççĕ. Хĕл мучине сăвă калама та хатĕрленеççĕ. Ĕлĕк чухне ачасем çĕн çул уявне - сурхурине - питĕ хытă кĕтнĕ. Сурхури чупма сăвă-юрă вĕреннĕ, тĕрлĕ вăйă вылянă.

Унсăр пуçне çăварни чупма та хавас пулнă. Çăварни кун таврăнсан, çуркунне çитесси шутлă кунсем юлсан пулнă. Вăл куна ачасем уйрăмах чăтăмсăр кĕтнĕ. Çуна çине тиенсе ялтан яла ярăнма, таçта та çитсе курма пулнă. Сăвă-юрă вара пур çĕрте те кĕрленĕ.