Предложенисем хутсăррисем çеç мар, хутлисем те пулаççĕ. Хутлă предложени икĕ е темиçе хутсăр предложенирен тăма пултарать. Ун пек пĕрлĕхе хутлă предложени теççĕ.

Хутлă предложенири хутсăр предложенисем пĕр-пĕринпе чĕлхе хатĕрĕсемсĕр тата союзсемпе çыхăнса тăраççĕ.

Пайĕсем чĕлхе мелĕсĕр çеç çыхăнакан хутсăр предложенисене урăхла çыхăну паллисĕр  хутлă предложени теççĕ.

 Ку çуртра манăн пичче пурăнать, юнашарринче — аппа. Ĕмĕр иртет — кун юлать.

Хутлă предложенири хутсăр предложенисем пĕр-пĕринпе тĕрлĕ союзпа çыхăнма пултараççĕ: тата, та (те), ни-ни, анчах, çапах, атту.

Сыпăнуллă союзсемпе çыхăннă  хутсăр предложенисен пĕрлĕхне сыпăнуллă хутлă предложени теççĕ. Тĕслĕхрен: Нÿрĕ шăрш та çапрĕ, анчах çумăр çумарĕ. Ямшăк лашине пушăпа çапрĕ те, хыçран тăман кăна вĕçсе юлчĕ.