Тема вăл – мĕн çинчен те ĕнентерни.

Тема анлă тата ансăр пулма пултарать. Ансăр тема анлă темăн пĕр пайĕ çеç. Тĕслĕхрен, «Хĕлле» – анлă тема. Ку темăпа вĕренекенĕн  хĕллехи вăхăтпа çыхăннă ĕç-хĕл, пулăм çинчен пĕтĕмĕшле çырмалла (хĕл илемĕ, пурнăç улшăнăвĕ, хĕллехи вăхăтăн уйрăмлăхĕ: çил-тăманĕ, юр çуни, шыв пăрпа витĕнни;  Çĕнĕ çул уявĕ т.ыт. те). «Хĕлле» темăпа çыхăннă ансăр темăсем: «Хĕл пуçламăшĕ», «Хĕллехи ир», «Тăвайккинче ярăнни», «Хĕллехи каç», «Юр çинчи йĕрсем», «Хĕллехи вăрман», «Юр çуни», «Çил-тăманлă каç», «Çĕнĕ çул каçĕ», «Хĕл –художник», «Йывăçсен шурă пĕркенчĕкĕ» т. ыт. те.

Текстăн тĕп шухăшĕ – автор мĕн каласшăн пулни, авторăн пĕр пĕтĕм тĕллевĕ. Вăл – ăс пани, пурнăç пурăнма (пĕр-пĕрне хисеплеме, ăнланма, пулăшма, юратма, хаклама) вĕрентсе калани пулма пултарать. Калăпăр, сăнланă май автор тăван тавралăха юратнине тĕп вырăна хурать. Ку текстăн (сочиненин) тĕп шухăшĕ пулса тăрать.