Пуплев пайĕсем: япала ячĕ, паллă ячĕ, местоимени, глагол

Теори материалӗсем

Пуплев пайĕсем

Чĕлхери сăмахсене пĕлтерĕш тăрăх ушкăнлама пулать.

 Япалана пĕлтерекен пуплев пайне япала ячĕ теççĕ. Унăн ыйтăвĕ – кам? мĕн?

 Тĕслĕх:

Кам? – утарçă, летчик, анне, пичче.

Мĕн? – лаша, сĕтел, ăвăс, курăк.

 Чылай япала ячĕ хисеп тăрăх улшăнать: утарçă – утарçăсем, лаша – лашасем, сĕтел – сĕтелсем.

 Япала паллине пĕлтерекен пуплев пайне паллă ячĕ теççĕ. Паллă ячĕ глагола та ăнлантарма пултарать. Унăн ыйтăвĕсем: мĕнле? ăçти? хăçанхи?

 Тĕслĕх: ĕçчен ача,  лайăх вĕренет, çуллахи çумăр, уçланкăри сукмак.

Ят сăмахсем  (япала ячĕ, паллă ячĕ, хисеп ячĕ) вырăнне калакан сăмахсене местоименисем теççĕ. Местоимени мĕне пĕлтернине (япалана-и, япала паллине е хисепне) çыхăнуллă калаçура е çырура кăна пĕлме пулать.

 Сăпат местоименийĕсем: эпĕ, эсĕ, вăл. Çак местоименисен нумайлă хисеп формисем: эпир, эсир, вĕсем. Пĕрреллĕ хисепре 1-мĕшпе 2-мĕш сăпат местоименийĕсене туллин те, кĕскен те çырма юрать: эпĕ – эп, эсĕ – эс.

  Япала мĕн тунине пĕлтерекен пуплев пайне глагол теççĕ. Унăн тĕп ыйтăвĕ: мĕн тăвать? Глагол вăхăт, хисеп, сăпат тăрăх улшăнать.

 

    Тĕслĕх: вулать – вулаççĕ, вуларĕ – вуларĕç, вулĕ – вулĕç.

Видео

Хушма каҫӑсем

Ҫӗнӗ материал
2024.03.10 18:23
Ҫӗнӗ каҫӑпа паллашӑр: "Шурçамка" çинчен
2024.03.10 18:16
Ҫӗнӗ страница: Юхма Мишши
2024.03.10 18:00
Ҫӗнӗ хыпар вырнаҫтартӑмӑр: "Шкулта" журналăн çĕнĕ номерĕ
2024.02.18 18:22
2024.02.18 18:19
Ҫӗнӗ хыпар вырнаҫтартӑмӑр:
2024.01.24 22:08
Пирӗн порталта ҫӗнӗ файл: Сăмах майлашăвĕ, тест (docx)
2024.01.14 12:15
Ҫӗнӗ каҫӑпа паллашӑр: Урокăн план-конспекчĕ
2024.01.14 12:02
Видео хушӑнчӗ: Судра
2024.01.14 10:57
Ҫӗнӗ каҫӑпа паллашӑр: Спиридон Михайлов-Янтуш çинчен
2024.01.09 21:47
2024.01.09 21:04
Ҫӗнӗ каҫӑпа паллашӑр: Михаил Акимов çинчен
2024.01.08 19:48
2024.01.08 19:42