Уйрăмлатнă сăмахсене кăтартма  запятой е тире лартаççĕ:

Таня та, кăна пĕрре те кĕтменскер, малтанах нимĕн те хирĕçлеймерĕ. Икĕ савнă чун – Кĕçĕн урамри Вовăпа Аслă урамра ÿснĕ Кĕтерук – пĕрлешрĕç ун чух.(О. Вас.)

2. Хăш-хăш чухне шухăш уçăмлăхĕшĕн предложенин пĕр-пĕр сыпăкне умĕнхи сăмахсенчен уйрăмлатса калани те çителĕклĕ:

Чирлĕ Хветуç хăйĕн ывăлĕсем – хăйĕн телейĕ çине пăхса пĕр-икĕ хутчен вăйсăррăн кулса илчĕ. (Л. Агак.)

3. Тепĕр чух предложенин хăш-хăш сыпăкне интонаципе уйрăмлатса та, уйрăмлатмасăр та калама юрать. Уйрăмлатсан запятой лартмалла, уйрăмлатмасан – лартмалла мар.

Шкул директорĕ, Василий Петрович, уяв ячĕпе саламларĕ.