Шухăша уçăмлăрах, калас тенине палăртуллăрах тăвас тĕллевпе подлежащипе сказуемăй е вĕсен ушкăнĕсем хушшине тире лартаççĕ: Манăн йăмăк – вуннăра.

Шухăш уçăмлăхĕ çителĕклĕ, ăна ятарлă палăртма кирлĕ мар чухне тĕп членсем е вĕсен ушкăнĕсем хушшине тире лартмаççĕ: Манăн аппа тухтăр.

Подлежащи хыççăн унăн шухăш пĕлтерĕшне вăйлатма вăл сăмах лартма пулать. Ун пек чухне тире çав сăмах хыççăн пулать: Подлежащи вăл – тĕп член.