6-7-мĕш классенче эпир чăваш чĕлхин морфологине вĕрентĕмĕр. Унта эпир чĕлхери сăмахсене пĕлтерĕшĕсемпе грамматика уйрăмлăхĕсене пăхса ушкăнланине пĕлтĕмĕр. Çав ушкăнсене пуплев пайĕсем теççĕ.

Пуплев пайĕсене икĕ ушкăна уйăраççĕ: тулли пĕлтерĕшлисем – япала ячĕ, паллă ячĕ, хисеп ячĕ, местоимени, глагол, наречи, евĕрлев сăмахĕ; пулăшу пĕлтерĕшлисем – союзсем, хыç сăмахсем, татăксем. Междомети нихăш ушкăна та кĕмест.