Теори материалӗсем
Причастин палăрту форми
-И, -скер аффикс йышăннă причасти формисене причастин палăрту форми теççĕ. Япала ятне пăхăнакан причасти çумне -и е -скер аффикс хушсан çав причастие хăй ăнлантаракан (тĕп) сăмахсăр та калама пулать. Тĕслĕхре пиçнĕ чие тесе калас вырăнне пиçнĕскер тесе кăна калама пулать. Кун пек формăсем япала ятне тепĕр хут калассинчен хăтараççĕ, вĕсем япала ячĕн пĕлтерĕшĕпе çÿреççĕ. Сказуемăй пулакан причастисем пурте палăрту форминче пулма пултараççĕ. Хальхи тата иртнĕ вăхăтри причастисем палăрту аффиксĕсене йышăнсан туллин вĕçленеççĕ. Причастисем палăрту формин -и аффиксне йышăнсан: а) хальхи причасти аффиксĕнчи [н] хупă сасăпа пулас причасти аффиксĕнчи с хупă сасă вăрăмланать; ă) иртнĕ причасти аффиксĕнчи [ă(ĕ)] уçă сасă, пулмалли причасти аффиксĕнчи [а(е)] сасă тухса ÿкет; б) ун пек улшăнусем -скер аффикс хушăннипе пулнă палăрту форминчи сасăсен пулмаççĕ; |
в) иртнĕ тата хальхи причастин çуклă форминче икĕ н (вуламанни, пĕлменни) çыраççĕ.